அருள்வாக்கு இன்று
நவம்பர் 4-திங்கள்
இன்றைய நற்செய்தி
லூக்கா 14:12-14
இன்றைய புனிதர்
புனித சார்லஸ் பொரோமேயோ
தொகுத்து வழங்குபவர்
அருள்மொழி:
மாறாக, நீர் விருந்து அளிக்கும்போது ஏழைகளையும் உடல் ஊனமுற்றோரையும் கால் ஊனமுற்றோரையும் பார்வையற்றோரையும் அழையும். லூக்கா 14:13
வார்த்தை வாழ்வாக:
இன்றைய நற்செய்தியில் இயேசு விருந்து அளிக்கும்போது உறவினர்களையோ, நண்பர்களையோ அழைத்து உணவு அளிக்க வேண்டாம். காரணம் அவர்களும் உங்களுக்கு மீண்டும் உதவக்கூடும். உமது விருந்தானது மீண்டும் திருப்பி அளிக்க முடியாத ஏழை எளியோர், வறியோர், ஊனமுற்றோர் போன்றோருக்கு அளியுங்கள். அப்போது தான் உங்களுக்கு விண்ணில் உள்ள தந்தை நேர்மையானவர்கள் உயிர்த்தெழும்போது உமக்குக் கைம்மாறு மிகுதியாய் கிடைக்கும் என்கிறார்.
சுயஆய்வு
- எனது உதவி எப்படிபட்டவர்களுக்கு அளிக்க மனம் கொண்டுள்ளேன்?
- கைம்மாறு மறுவுலகில் பெறும் பொருட்டா?
இறைவேண்டல்
அன்பு இயேசுவே! நான் தளர்ச்சியுற்றோருக்காக என்னையே அர்ப்பணிக்கும் வரம், தாரும். ஆமென்.