அருள்வாக்கு இன்று

நவம்பர் 1-வெள்ளி

இன்றைய நற்செய்தி

மத்தேயு 5:1-12

இன்றைய புனிதர்

புனிதர் அனைவர் பெருவிழா

தொகுத்து வழங்குபவர்
திருமதி அருள்சீலி அந்தோணி

புனிதர் அனைவர் பெருவிழா
அருள்மொழி:

என் பொருட்டு மக்கள் உங்களை இழந்து, துன்புறுத்தி, உங்களைப் பற்றி இல்லாதவை பொல்லாதவையெல்லாம் சொல்லும்போது நீங்கள் பேறு பெற்றவர்களே. மத்தேயு 5:1-12

வார்த்தை வாழ்வாக:

இன்றைய நற்செய்தியில் இயேசு இவ்வுலகில் துன்புறும் மக்களுக்காக நீங்கள் எதைத் தாங்கிக் கொண்டாலும் அடுத்தவர் நலனுக்காக நீங்கள் அவமானப்பட்டாலும் அதற்குக் கைம்மாறு மிகுதியாக உங்களுக்கு நான் அளிப்பேன். எப்படியெனில் இத்தகைய மானிடருக்காகத் தான் நான் இப்பூவுலகம் வந்தேன். அவர்கள் துயர் துடைத்தேன். அதற்கான கைம்மாறும் பெற்றுக் கொண்டேன். அதனால் என் தந்தை என்னை மகிழ்வுறச் செய்தார். அதே போல் நீங்கள் நான் விட்டுச் சென்ற பணிக்காக எந்த விதத்துன்பத்தை மேற்கொண்டாலும் உங்களுக்குக் கைமாறு மிகுதியாகும் என்று நம்பிக்கையுடன் உறுதி கூறுகின்றார்.

சுயஆய்வு

1. என் அருகில் உள்ள வறியோருக்காக நான் என்ன செய்தேன்?
2. அவர் பொருட்டுத் துன்பத்தை மேற்கொண்டேனா?

இறைவேண்டல்

அன்பு இயேசுவே! நான் அடுத்தவரின் நலனுக்காக என்னையே அர்ப்பணிக்கும் வரம் தாரும். ஆமென்.

அன்பின்மடல் முகப்பு